ماہرہ شرما اور محمد سراج نے رومانوی تعلقات کی افواہوں پر خاموشی توڑ دی
بھارتی ڈراموں کی مشہور اداکارہ ماہرہ شرما اور بھارتی کرکٹر محمد سراج کے درمیان رومانوی تعلقات کی افواہوں پر دونوں نے آخرکار اپنی خاموشی توڑ دی ہے۔جمعہ کے روز ماہرہ شرما نے اپنے انسٹاگرام اکاؤنٹ پر ایک اسٹوری شیئر کی، جس میں انہوں نے واضح طور پر کہا کہ وہ کسی کے ساتھ ڈیٹنگ نہیں کر رہیں۔ ماہرہ نے اپنی انسٹا اسٹوری میں لکھا: ’’افواہیں پھیلانا بند کرو، میں کسی کے ساتھ ڈیٹنگ نہیں کر رہی۔‘‘یہ بیان اُس وقت سامنے آیا جب محمد سراج نے بھی اپنی انسٹاگرام پوسٹ میں ان افواہوں کی تردید کی، جسے بعد میں انہوں نے ڈیلیٹ کر دیا تھا۔ کرکٹر نے اپنی پوسٹ میں کہا تھا: ’’میں پاپارازی سے گزارش کرتا ہوں کہ میرے اردگرد ایسے سوالات کرنا بند کریں۔ یہ بالکل جھوٹ اور بے بنیاد ہے۔ مجھے امید ہے کہ اب یہ ختم ہوجائے گا۔‘‘ماہرہ شرما اور محمد سراج کے درمیان رومانوی تعلقات کی افواہیں اُس وقت مزید زور پکڑ گئی تھیں
جب ماہرہ نے 20 مارچ کو ممبئی میں ایک ایونٹ میں شرکت کی، جہاں پاپارازی نے ان سے آئی پی ایل کی ترجیحات کے بارے میں سوالات کیے، جس سے دونوں کے تعلقات کو مزید تقویت ملی۔ایک وائرل ویڈیو میں فوٹوگرافروں کو یہ سوالات کرتے سنا جاسکتا تھا: ’’کل سے آئی پی ایل شروع ہو رہا ہے۔ ماہرہ جی، آپ کس کے ساتھ ہیں؟ کس ٹیم کو سپورٹ کر رہی ہیں؟ آپ کی پسندیدہ ٹیم کون سی ہے؟‘‘ان افواہوں کو اس وقت مزید قوت ملی تھی جب مداحوں نے دیکھا کہ محمد سراج نے ماہرہ کی ایک انسٹاگرام پوسٹ کو لائیک کیا اور پھر دونوں نے ایک دوسرے کو سوشل میڈیا پلیٹ فارمز پر فالو کرنا شروع کر دیا۔ یہ سوشل میڈیا سرگرمیاں مداحوں میں قیاس آرائیوں کا باعث بنی تھیں۔
