تفصیلات کے مطابق سندھ کے شہر ڈہرکی میں صدیق کالونی کی رہائشی نویں جماعت کی طالبہ انیسہ ٹک ٹاک ویڈیو بناتے ہوئے گولی لگنے سے جان کی بازی ہار گئی۔
پولیس کے مطابق انیسہ پستول رکھ کر ٹک ٹاک ویڈیو بنا رہی تھی کہ اچانک گولی چل گئی۔اطلاع ملنے پر پولیس فوری طور پر جائے وقوعہ پر پہنچی اور بچی کی لاش کو پوسٹ مارٹم کے لیے سول ہسپتال منتقل کر دیا۔ پولیس کا کہنا ہے کہ معاملے کی مزید تفتیش کی جارہی ہے، اور ضروری کارروائی کے بعد لاش کو ورثا کے حوالے کر دیا گیا ہے۔یہ واقعہ ٹک ٹاک کے جنون کے خطرات کو ظاہر کرتا ہے، جہاں بعض اوقات بے احتیاطی اور غفلت کی وجہ سے سنگین حادثات پیش آ سکتے ہیں۔ پولیس نے عوام کو احتیاطی تدابیر اپنانے کی ہدایت دی ہے تاکہ اس طرح کے واقعات سے بچا جا سکے۔
