شاہین آفریدی کو فرنچائز کی جانب سے قیمتی تحفہ

لاہور(سپورٹس ڈیسک)لاہور قلندرز کے کپتان شاہین آفریدی کو پی ایس ایل 10 کے دوران فرنچائز کی جانب سے بطور تحفہ گولڈ پلیٹڈ آئی فون 16 پرو دیا گیا ہے۔پی ایس ایل کی فرنچائز لاہور قلندرز کی جانب سے 7ویں ایڈیشن سے قبل 21 سال کی عمر میں ٹیم کا کپتان بنایا گیا تھا، ان کی تقرری سے قبل قلندرز 2016 سے 2021 تک چھ میں سے پانچ سیزن میں اچھی کارکردگی نہیں دکھا سکی۔شاہین ا?فریدی نے 2022 میں پہلے پی ایس ایل ٹائٹل کی قیادت کی اور وہ لیگ کی تاریخ میں بیک ٹو بیک ٹائٹل جیتنے والی پہلی ٹیم بن گئے۔پی ایس ایل 10 میں لاہور قلندرز تین میچوں میں سے دو میچ جیت کر پوائنٹس ٹیبل پر دوسرے نمبر پر ہے۔فرنچائز نے اب کپتان کو 24 قیراط گولڈ پلیٹڈ آئی فون 16 پرو تحفے میں دیا ہے۔لاہور قلندرز نے اپنے انسٹاگرام پیج پر ایک ویڈیو شیئر کی ہے جس میں شاہین آفریدی کو انتظامیہ کی جانب سے مہنگا تحفہ دیتے دیکھا جاسکتا ہے