لاہور میں کمسن بچی سے زیادتی کی کوشش کرنے والے ملزم کو گرفتار کر لیا گیا ہے۔
تفصیلات کے مطابق، ملزم نے معصوم بچی کو ورغلا پھسلا کر اس کے ساتھ زیادتی کی کوشش کی۔ پولیس زرائع کے مطابق، ایس پی کینٹ کی ہدایت پر ایس ایچ او برکی عمران نواز اور پولیس ٹیم نے فوری کارروائی عمل میں لاتے ہوئے ملزم کو گرفتار کر لیا۔ملزم کا نام جواد حیدر ہے۔ متاثرہ بچی کے والد آصف علی کی مدعیت میں ملزم کے خلاف فوری طور پر مقدمہ درج کیا گیا ہے۔
پولیس نے مقدمہ درج کرنے کے بعد ملزم جواد حیدر کو مزید تفتیش کے لیے انوسٹی گیشنز کے حوالے کر دیا ہے۔
ایس پی کینٹ نے بروقت کارروائی کرنے پر ایس ایچ او برکی عمران نواز اور پولیس ٹیم کو شاباش دی ہے۔ انہوں نے اس طرح کی سنگین وارداتوں کی روک تھام کے لیے پولیس کی کوششوں کو سراہا ہے اور عوام سے بھی قانون کی مدد کا مطالبہ کیا ہے۔یہ کارروائی کمسن بچیوں کے تحفظ کے حوالے سے پولیس کی سنجیدگی اور ذمہ داری کا مظاہرہ ہے اور امید ظاہر کی جارہی ہے کہ ایسے واقعات کی روک تھام کے لئے سخت کارروائیاں جاری رہیں گی۔
