خیبرپختونخوا حکومت نے موٹروے ایم ون پر بی آر ٹی بسیں چلانے کا منصوبہ شروع کر دیا ہے۔
محکمہ ٹرانسپورٹ کے حکام کا کہنا ہے کہ اس منصوبے کے تحت نوشہرہ، مردان، صوابی اور چارسدہ تک بی آر ٹی بسیں چلائی جائیں گی۔ حکام کے مطابق، ہر ٹول پلازہ سے سواریوں کو پک اینڈ ڈراپ کی سہولت فراہم کی جائے گی، جس سے روزانہ ہزاروں مسافر فائدہ اٹھائیں گے۔ اس کے علاوہ، اسٹیشنز کی جگہوں کا تعین فزیبلٹی اسٹڈی میں کیا جائے گا تاکہ بہتر منصوبہ بندی کی جا سکے۔ یہ اقدام عوام کو سہولت فراہم کرنے اور سفر کے دیرپا مسائل کے حل کے لیے ایک اہم قدم سمجھا جا رہا ہے۔
