اسلامی نظریاتی کونسل کے چیئرمین ڈاکٹر راغب حسین نعیمی نے رواں سال کے لیے صدقہ فطر اور فدیہ صوم کے نصاب کا اعلان کردیا۔
صدقہ فطر اور فدیہ صوم کے مختلف نصاب
گندم کے حساب سے: 220 روپے فی کس
جو کے حساب سے: 450 روپے فی کس
کھجور کے حساب سے: 1650 روپے فی کس
کشمش کے حساب سے: 2500 روپے فی کس
منقیٰ کے حساب سے: 5000 روپے فی کس
30 روزوں کے فدیہ کی تفصیلات
گندم کے حساب سے: 6600 روپے
جو کے حساب سے: 13500 روپے
کھجور کے حساب سے: 49500 روپے
کشمش کے حساب سے: 75000 روپے
منقیٰ کے حساب سے: 150000 روپے
روزہ توڑنے کا کفارہ
ڈاکٹر راغب حسین نعیمی نے وضاحت کی کہ اگر کوئی جان بوجھ کر روزہ توڑتا ہے تو اسے مسلسل 60 روزے رکھنے ہوں گے یا پھر 60 مساکین کو دو وقت کا کھانا کھلانا ہوگا۔
مخیر حضرات کے لیے ہدایت
چیئرمین اسلامی نظریاتی کونسل نے کہا کہ مخیر حضرات اپنی مالی حیثیت کے مطابق صدقہ فطر اور فدیہ صوم ادا کریں۔ انہوں نے یہ بھی واضح کیا کہ سرکاری سبسڈی والا آٹا استعمال کرنے والے افراد 160 روپے بھی صدقہ فطر یا فدیہ صوم ادا کرسکتے ہیں۔
صدقہ فطر کی فرضیت
بیان میں کہا گیا کہ صدقہ الفطر ہر آزاد اور غلام، مرد اور عورت مسلمان پر فرض ہے اور اسے عیدالفطر کی نماز سے قبل ادا کرنا بہتر ہے تاکہ مستحق افراد اس سے مستفید ہوسکیں۔
