موٹروے پر گاڑیوں میں آگ بجھانے والے آلات رکھنا لازمی قرار

24 جون کے بعد آلات کے بغیر چلنے والی گاڑیوں کے خلاف سخت قانونی کارروائی ہوگی
 لاہور(کرائم رپورٹر )نیشنل ہائی ویز اینڈ موٹروے پولیس نے قومی شاہراہوں اور موٹرویز پر سفر کو مزید محفوظ بنانے کیلئے  سیفٹی اقدامات سخت کرنے کا فیصلہ  کیا ہے ۔ترجمان موٹروے پولیس کے مطابق تمام مسافر اور مال بردار گاڑیوں میں آگ بجھانے والے آلات (فائر ایکسٹنگوئشر)رکھنا لازمی قرار دے دیا گیا ہے،حادثات کے دوران آتشزدگی کے بڑھتے ہوئے خطرات کے پیش نظر خصوصی حفاظتی اقدامات نافذ کیے جا رہے ہیں تاکہ انسانی جانوں اور املاک کا تحفظ یقینی بنایا جاسکے۔اس مقصد کے  لئے  ٹروے پولیس نے ملک گیرفائرسیفٹی آگاہی مہم کا آغاز کر دیا ہے جو 24 جون تک جاری رہے گی،مہم کے دوران ڈرائیورز اور ٹرانسپورٹرز کو آگ بجھانے والے آلات کی اہمیت، استعمال اور ان کی فعالیت کے بارے میں آگاہ کیا جائے گا۔ترجمان کے مطابق گاڑیوں میں فعال اورمعیاری فائرایکسٹنگوئشر کی موجودگی جان و مال کے تحفظ کے لیے ناگزیر ہے۔ ڈرائیورحضرات کو ہدایت کی گئی ہیکہ سفر سے قبل اپنے آگ بجھانے والے آلات کی فعالیت اور معیاد (ایکسپائری) ضرور چیک کریں،غیر فعال یا زائد المعیاد آلات قابل قبول نہیں ہوں گے۔موٹروے پولیس نے واضح کیا ہیکہ 24 جون کے بعد ان ہدایات پر سختی سے عمل درآمد کرایا جائے گا اور آگ بجھانے والے آلات کے بغیر چلنے والی مسافر اور مال بردار گاڑیوں کے خلاف قانونی کارروائی عمل میں لائی جائے گی۔24 جون کے بعد فائر ایکسٹنگوئشر کیبغیرمسافر اورمال بردارگاڑیوں کاموٹرویز میں داخلہ بھی ممنوع ہوگا،جبکہ خلاف ورزی کرنے والوں کے خلاف قانون کے مطابق کارروائی کی جائے گی۔