پنجاب کے شہر لیہ میں اسلحہ کے زور پر خواجہ سرا کا سر مونڈھنے کا ایک واقعہ سامنے آیا ہے۔
پولیس کے مطابق یہ واقعہ تھانہ فتح پور کی حدود میں پیش آیا، جہاں ایک ملزم وسیم نے خواجہ سرا ممنون عباس (عرف مشال) کے ساتھ لوٹ مار کی۔مبینہ طور پر ملزم نے میلہ عنایت شاہ کے قریب خواجہ سرا سے نقدی چھینی اور اسلحہ کے زور پر اس کا موبائل فون بھی چھین لیا۔ اس کے بعد ملزم نے خواجہ سرا کے سر کے بال کاٹ دیے اور اس عمل کی ویڈیو بھی بنائی۔پولیس نے مقدمہ درج کر کے تحقیقات شروع کر دی ہیں۔ خواجہ سرا کی درخواست پر مختلف دفعات کے تحت مقدمہ درج کیا گیا ہے، جس میں سر مونڈھنے، لوٹ مار اور ویڈیو بنانے کی دفعات شامل ہیں۔ پولیس حکام کا کہنا ہے کہ ملزم کی تلاش کے لیے چھاپے مارے جا رہے ہیں اور اسے جلد گرفتار کر لیا جائے گا تاکہ انصاف فراہم کیا جا سکے۔ ایس ایچ او کا مزید کہنا تھا کہ پولیس کی پوری کوشش ہے کہ ملزم کو جلد پکڑ کر خواجہ سرا کو انصاف دلایا جائے۔
