ملک بھر میں سردی کی شدت میں اضافہ ہو رہا ہے، اور محکمہ موسمیات کی جانب سے جاری کردہ رپورٹ کے مطابق مختلف علاقوں میں موسم کی صورتحال درج ذیل ہے:
لاہور
لاہور میں سردی کی شدت میں اضافہ ہو چکا ہے، اور موجودہ درجہ حرارت 10 ڈگری سینٹی گریڈ ریکارڈ کیا گیا ہے۔ آئندہ 24 گھنٹوں میں بارش کا کوئی امکان نہیں ہے، جس کی وجہ سے فضائی آلودگی مزید بڑھنے کا خدشہ ہے۔ لاہور کا ایئر کوالٹی انڈیکس 264 تک پہنچ گیا ہے، جو شہر کو دنیا کے آلودہ ترین شہروں میں دوسرے نمبر پر لے آیا ہے۔
انتہائی آلودہ علاقوں:
ڈی ایچ اے فیز 8: 770
چٹھہ پارک: 740
جوہر ٹاؤن: 642
عسکری 10: 566
شہریوں کو فضائی آلودگی سے بچنے کے لیے ماسک پہننے اور غیر ضروری طور پر باہر نہ نکلنے کی ہدایت دی گئی ہے۔
کراچی
کراچی میں موسم سرد اور خشک ہے، موجودہ درجہ حرارت 15 ڈگری سینٹی گریڈ جبکہ کم سے کم درجہ حرارت 10 سے 12 ڈگری سینٹی گریڈ تک رہنے کا امکان ہے۔
ایئر کوالٹی انڈیکس: کراچی میں ہوا میں آلودہ ذرات 178 پرٹیکیولیٹ میٹرز تک ریکارڈ کیے گئے، جو صحت کے لیے نقصان دہ ہیں۔ کراچی دنیا کے آلودہ ترین شہروں میں دسویں نمبر پر ہے۔
شمال مشرق سے چلنے والی 13 کلومیٹر فی گھنٹہ کی ہوائیں سردی میں اضافہ کر رہی ہیں۔
اسلام آباد
اسلام آباد اور اس کے گرد و نواح میں موسم سرد اور مطلع ابرآلود رہے گا۔ بارش کا امکان نہیں ہے، تاہم سردی کی شدت برقرار رہے گی۔
بلوچستان
بلوچستان کے زیادہ تر اضلاع میں موسم خشک اور سرد رہنے کی پیش گوئی کی گئی ہے۔
متاثرہ علاقے:
قلعہ عبداللہ، پشین، زیارت، کوئٹہ اور قلعہ سیف اللہ میں مطلع جزوی ابرآلود رہنے کا امکان ہے۔پہاڑی علاقوں میں شدید سردی جاری رہے گی۔
پنجاب
پنجاب کے بالائی علاقوں میں موسم خشک اور سرد رہنے کا امکان ہے۔
مری اور گلیات: شدید سردی کے ساتھ مطلع ابرآلود رہے گا، اور شام یا رات کے وقت ہلکی بارش یا بونداباندی ہو سکتی ہے۔
خیبرپختونخوا
خیبرپختونخوا کے زیادہ تر علاقوں میں سرد اور خشک موسم کی پیش گوئی کی گئی ہے۔پہاڑی علاقے: چترال، سوات، دیر، کوہستان، اور مانسہرہ میں شام یا رات کے وقت ہلکی بارش اور برفباری کا امکان ہے۔
کشمیر اور گلگت بلتستان
ان علاقوں میں موسم شدید سرد اور ابرآلود رہنے کے علاوہ چند مقامات پر ہلکی بارش اور پہاڑوں پر برفباری متوقع ہے۔
احتیاطی تدابیر
شہریوں کو فضائی آلودگی سے بچاؤ کے لیے ماسک استعمال کرنے اور گھروں میں رہنے کی ہدایت کی گئی ہے۔خاص طور پر لاہور اور کراچی کے شہریوں کو فضائی آلودگی سے بچنے کے لیے زیادہ محتاط رہنے کی ضرورت ہے۔سردی کی شدت سے بچنے کے لیے گرم کپڑے پہننے اور گرم مشروبات کا استعمال کرنے کی سفارش کی گئی ہے۔
