کرنٹ لگنے سے بچے کی موت‘ضمانت خارج ہونے پر2لیسکو افسر عدالت سے فرار

 لاہور (آئی این پی )لاہور ہائیکورٹ میں کرنٹ سے بچے کی موت سے متعلق درخواست پر عبوری ضمانت خارج ہونے پر لاہورالیکٹرک سپلائی کمپنی  (لیسکو)  کے افسر احاطہ عدالت سے فرار ہوگئے۔لاہورہائیکورٹ میں لیسکوکی غفلت سے کرنٹ لگنے سے بچے کی موت سے متعلق درخواست کی سماعت ہوئی۔ جسٹس تنویر احمد شیخ نے ایس ڈی او باٹا پور اور سپرنتنڈنٹ کبیر کی عبوری ضمانتیں خارج کردیں۔ عبوری ضمانتیں خارج ہونے پردونوں افسر احاطہ عدالت سے فرار ہوگئے۔ ملزمان کے خلاف  باٹا پور کے علاقہ میں کم سن بچے کی کرنٹ لگنے سے موت پر مقدمہ درج کیا گیا تھا۔