گوتم ایڈانی، بھارتی صنعتکار اور ایڈانی گروپ کے چیئرمین، اپنی اہلیہ پریتی ایڈانی کے ہمراہ راجستھان کی درگاہ اجمیر شریف پہنچے جہاں انہوں نے مخملی چادر چڑھائی اور پھولوں کی پٹیاں درگاہ میں پیش کیں۔
ایڈانی نے درگاہ میں ملک کی خوشحالی، امن اور ترقی کے لیے دعا کی۔درگاہ اجمیر شریف کے چیئرمین حاجی سید سلمان چشتی نے ایڈانی خاندان کا استقبال کیا اور ان کے عقیدت کا اظہار کیا۔ گوتم ایڈانی نے پورے ہندوستان کی خوشحالی اور امن کی دعا کی۔ درگاہ اجمیر شریف، جو کہ ہندوستان کے مقدس ترین صوفی مزارات میں سے ایک ہے، ہر سال لاکھوں زائرین کی حاضری کا مرکز رہتی ہے۔یہ درگاہ سلطان الہند خواجہ معین الدین چشتیؒ کے مزار پر واقع ہے، جو محبت، بھائی چارے اور امن کا پیغام دینے والے عظیم صوفی بزرگ تھے۔ درگاہ ہر مذہب اور عقیدے کے لوگوں کے لیے کھلا ہے۔
پچھلے ماہ، وزیر اقلیتی امور کرن رجیجو نے وزیر اعظم نریندر مودی کی جانب سے درگاہ اجمیر شریف کو ایک چادر پیش کی اور زائرین کی سہولت کے لیے متعدد جدید اقدامات کا اعلان کیا۔ ان اقدامات میں "غریب نواز" ایپ کی لانچنگ شامل ہے، جس کے ذریعے زائرین کو درگاہ سے متعلق تمام ضروری معلومات فراہم کی جائیں گی، جبکہ ایک سرکاری ویب پورٹل بھی شروع کیا جائے گا تاکہ زائرین کو رہائش، تقریبات اور دیگر ضروری خدمات آن لائن فراہم کی جا سکیں۔
