ایئر پورٹ سے دیر بالا تک رضا اللہ کا شاندار استقبال کیا جائے گا‘ بھائی محمد اقبال

پشاور (سپورٹس ڈیسک)کرکٹر رضا اللہ مشوانی کے بڑے بھائی محمد اقبال مشوانی نے کہا ہے کہ ان کے بھائی رضا نے انگلینڈ کے خلاف شاندار بیٹنگ سے ملک کا نام روشن کیا۔انہوں نے کہا کہ انہیں رضا اللہ مشوانی کی صلاحیتوں پر پہلے ہی یقین تھا، امید ہے رضا اللہ مستقبل میں بھی بہترین کارکردگی دکھائیں گے۔کرکٹر کے بڑے بھائی نے یہ بھی کہا کہ ایئرپورٹ سے دیر بالا تک رضا اللہ مشوانی کا شاندار استقبال کیا جائے گا۔واضح رہے کہ کرکٹر رضا اللہ مشوانی کا تعلق دیر بالا کے علاقے نیاگر بیدامے سے ہے۔