بھارتی ریاست کیرالہ میں ایک مندر کے تہوار کے دوران ہاتھیوں کے حملے کے باعث خوفناک بھگدڑ مچ گئی، جس کے نتیجے میں 3 افراد ہلاک اور 20 زخمی ہوگئے۔
واقعے کی تفصیلات
بھارتی میڈیا کے مطابق، واقعہ اس وقت پیش آیا جب مندر میں جاری تقریب کے دوران پٹاخے پھاڑے گئے۔ اچانک دھماکوں اور شور سے ہاتھی بدک گئے اور گھبراہٹ میں بھاگتے ہوئے ایک چھوٹی عمارت سے ٹکرا گئے۔
پولیس کی رپورٹ
ہاتھیوں کو مذہبی تہوار کے لیے مندر میں لایا گیا تھا۔پٹاخوں کے شور سے مشتعل ہو کر ہاتھی بے قابو ہوگئے اور مزار کے قریب ایک عمارت سے ٹکرا گئے۔دیوار گرنے سے 3 افراد ملبے تلے دب کر ہلاک ہوگئے، جن میں 2 خواتین بھی شامل ہیں۔20 افراد زخمی ہوئے، جنہیں اسپتال منتقل کر دیا گیا ہے۔
مزید تحقیقات جاری
پولیس کا کہنا ہے کہ واقعے کی مکمل تحقیقات کی جا رہی ہیں اور مندر انتظامیہ سے بھی سیکیورٹی اقدامات کے حوالے سے پوچھ گچھ کی جائے گی۔
