برمنگھم ٹیسٹ: پاکستان کا انگلینڈ کو 130 رنز کا ہدف

لاہور(سپورٹس ڈیسک)قومی ٹیم دوسری اننگز میں 449 رنز بنا کر آؤٹ، شان مسعود 95 جبکہ رضا اللہ 81 رنز کی دھواں دار اننگز کھیل کر نمایاں،ڈیبیو کرنے والے رضا اللہ نے 9 چھکوں اور 4 چوکوں کی مدد سے دھواں دار 81 رنز اسکور کیے .برمنگھم ٹیسٹ میں پاکستان نے انگلینڈ کو جیت کے لیے 130 رنز کا ہدف دے دیا۔تیسرے ٹیسٹ کے تیسرے روز پاکستان نے کھیل کا آغاز 52 رنز 2 کھلاڑی آؤٹ سے کیا اور 397 رنز جوڑ کر پوری ٹیم دوسری اننگز میں 449 رنز پر آؤٹ ہوگئی۔ قومی ٹیم کی جانب سے شان مسعود 95 جبکہ رضا اللہ 81 رنز کی دھواں دار اننگز کھیل کر نمایاں رہے۔ کپتان بابر اعظم 76، اذان اویس 59، محمد عباس 42، سعود شکیل 29، غازی غوری 16، محمد عمران 4 جبکہ صائم ایوب اور عبداللہ شفیق بغیر کوئی رن بنائے پویلین لوٹے۔انگلینڈ کی جانب سے گس ایٹکنسن نے 3، اولی رابنسن، ڈین لارنس اور جوش ٹنگ نے 2، 2 وکٹیں حاصل کیں۔ جوفرا آرچر نے 1 کھلاڑی کو آؤٹ کیا۔