نوشہروفیروز میں پولیس چوکی پر ہونے والے فائرنگ کے واقعہ نے علاقہ میں تشویش کی لہر دوڑادی ہے۔
یہ واقعہ بھریا روڈ کے قریب پیش آیا جہاں ٹیل نہر چوکی پر نائٹ ڈیوٹی پر تعینات پولیس اہلکاروں پر مسلح افراد نے فائرنگ کی۔ حملہ آوروں نے اچانک فائرنگ شروع کی، جس کے نتیجے میں دو پولیس اہلکار شدید زخمی ہوگئے۔ زخمی اہلکاروں کو فوری طور پر قریبی اسپتال منتقل کیا گیا جہاں وہ زخموں کی تاب نہ لاتے ہوئے جاں بحق ہوگئے۔ پولیس کا کہنا ہے کہ حملہ آوروں کی شناخت اور ان کے مقاصد کے بارے میں تاحال معلومات حاصل نہیں ہوسکیں۔ پولیس نے علاقے کا محاصرہ کرلیا ہے اور حملہ آوروں کی تلاش کے لیے تفتیش کا آغاز کردیا ہے۔ اس واقعہ کے بعد علاقہ میں سیکیورٹی ہائی الرٹ کردی گئی ہے۔ مزید تحقیقات جاری ہیں تاکہ حملہ آوروں کو جلد از جلد گرفتار کیا جا سکے اور واقعہ کی مکمل ذمہ داری کا تعین کیا جا سکے۔
