پنجاب پولیس سموگ کی روک تھام اور ماحولیاتی تحفظ کے لیے سرگرم عمل ہے۔
ترجمان پنجاب پولیس کے مطابق، صوبہ بھر میں گزشتہ 24 گھنٹوں کے دوران متعدد کارروائیاں کی گئیں۔ اس دوران 3 افراد کو گرفتار کیا گیا، 407 افراد پر 6 لاکھ 54 ہزار روپے سے زائد جرمانہ عائد کیا گیا، اور 29 افراد کو وارننگ دی گئی۔پولیس نے فصلوں کی باقیات جلانے کی ایک خلاف ورزی کے ساتھ ساتھ زیادہ دھواں چھوڑنے والی 375 گاڑیوں کی خلاف ورزیاں بھی رپورٹ کیں۔ یہ اقدامات سموگ کو کم کرنے اور ماحول کی حفاظت کے لیے اٹھائے گئے ہیں۔ پولیس کی جانب سے اس مہم کے تحت مزید کارروائیاں اور جرمانے جاری رکھنے کا اعلان کیا گیا ہے تاکہ سموگ کے اثرات کو کم کیا جا سکے اور عوامی آگاہی میں اضافہ کیا جا سکے۔
