ملک بھر میں بجلی ایک روپیہ 99 پیسے فی یونٹ سستی

 صارفین کو مجموعی طور پر 67 ارب 17 کروڑ 30 لاکھ روپے کا ریلیف ملے گا:نیپرا
 اسلام آباد(آئی این پی )ملک بھر کے بجلی صارفین کیلئے  سہہ ماہی ایڈجسٹمنٹ کی مد میں بجلی  ایک روپے 99 پیسے فی یونٹ سستی کردی گئی۔  نیشنل الیکٹرک پاور ریگولیٹری اتھارٹی (نیپرا) نے  اس حوالے سے  نوٹیفکیشن جاری کر دیا ۔ فیصلہ حکومتی منظوری کے بعد جاری کیا گیا ہے۔نیپرا  نوٹیفکیشن کے مطابق بجلی کی قیمت میں یہ کمی جنوری تا مارچ 2026 کی سہہ ماہی ایڈجسٹمنٹ کی مد میں کی گئی ہے، جبکہ اس کا اطلاق جون سے اگست 2026 تک تین ماہ کیلئے  ہوگا۔نوٹیفکیشن میں مزید کہا گیا ہے کہ اس ریلیف کا اطلاق ملک بھر کے تمام صارفین پر ہوگا، جس میں کے الیکٹرک کے صارفین بھی شامل ہیں۔بجلی کی قیمت میں کمی کے نتیجے میں صارفین کو مجموعی طور پر 67 ارب 17 کروڑ 30 لاکھ روپے کا ریلیف ملے گا