محکمہ جیل خانہ جات:افسروں ، عملے کے پٹرول میں کٹوتی

 آئی جی جیل خانہ جات نے بھی اپنے پٹرول میں 50 فیصد کمی کر لی 
لاہور(کرائم رپورٹر) پنجاب پولیس کے بعد محکمہ جیل خانہ جات پنجاب نے اخراجات میں کمی کے لیے اہم اقدامات کرتے ہوئے افسران اور عملے کے پٹرول میں 50 فیصد کٹوتی کر دی ہے۔تفصیلات کے مطابق آئی جی جیل خانہ جات، ڈی آئی جیز اور سپرنٹنڈنٹس کی سرکاری گاڑیوں کے پٹرول کو نمایاں طور پر کم کر دیا گیا ہے۔ ڈی آئی جیز اور سپرنٹنڈنٹس کے لیے ماہانہ پٹرول کو 200 لیٹر سے کم کر کے 100 لیٹر مقرر کر دیا گیا ہے، جبکہ آئی جی جیل خانہ جات نے بھی اپنے پٹرول میں 50 فیصد کمی کر لی ہیذرائع کے مطابق دفتری عملے کے پٹرول میں بھی نصف کمی کی گئی ہے، جس کا مقصد غیر ضروری اخراجات کو کنٹرول کرنا ہے۔ اس کے علاوہ آئی جی جیل خانہ جات نے ڈی آئی جیز ریجن کو غیر ضروری دوروں سے بھی روک دیا ہے تاکہ وسائل کا مئوثر استعمال یقینی بنایا جا سکیحکام کا کہنا ہے کہ یہ اقدامات حکومتی سطح پر کفایت شعاری پالیسی کے تحت کیے گئے ہیں