ملک میں سونے کی قیمتیں مسلسل بڑھتی جارہی ہیں اور ہر روز نیا ریکارڈ قائم ہو رہا ہے۔ آج ایک بار پھر سونا 5 ہزار روپے فی تولہ مہنگا ہو گیا ہے۔
24 قیراط خالص سونا فی تولہ 4 لاکھ 32 ہزار روپے میں فروخت ہو رہا ہے۔
22 قیراط سونا فی تولہ 3 لاکھ 96 ہزار روپے میں دستیاب ہے۔
21 قیراط سونا فی تولہ 3 لاکھ 78 ہزار روپے میں فروخت کیا جا رہا ہے۔
چاندی کی قیمت بھی بڑھی ہے اور 10 گرام چاندی کی قیمت 6 ہزار روپے تک پہنچ گئی ہے۔
صرافہ بازار میں کاروبار ماند پڑ چکا ہے کیونکہ سونے کی مسلسل بڑھتی قیمتوں کی وجہ سے خریدار مارکیٹ سے دور ہو گئے ہیں۔ جیولرز کا کہنا ہے کہ شادی کے سیزن کے باوجود زیورات کی مانگ تقریباً ختم ہو گئی ہے، کیونکہ خریدار بڑھتی قیمتوں کے باعث خریداری سے گریز کر رہے ہیں۔اس صورتحال سے ظاہر ہوتا ہے کہ ملک میں سونے اور چاندی کی قیمتوں میں ہوشربا اضافہ جاری ہے اور مارکیٹ پر اس کے اثرات واضح طور پر دیکھے جا رہے ہیں۔
