کراچی معاشی حب ، جدید عدالتی نظام کا قیام اہم ہے:چیف جسٹس

 ضلعی عدالتیں عوام کو انصاف کی فراہمی کا بنیادی ذریعہ ہیں:کراچی بار کے وفد سے ملاقات میں گفتگو
کراچی(آئی این پی )چیف جسٹس آف پاکستان جسٹس یحیی آفریدی نے کہا ہے کہ کراچی پاکستان کا معاشی حب ہے، یہاں جدید عدالتی نظام کا قیام بہت اہم ہے۔انہوں نے یہ بات ڈسٹرکٹ بار کراچی کے وفد سے ملاقات کے دوران کہی ۔وفد نے  چیف جسٹس آف پاکستان جسٹس یحیی آفریدی سے ملاقات کی، اس موقع پر چیف جسٹس نے کراچی میں ضلعی عدلیہ اور قانونی ڈھانچے کو مضبوط بنانے کے عزم کا اعادہ کیا۔انہوں نے کہا کہ ضلعی عدالتیں عوام کو انصاف کی فراہمی کا بنیادی ذریعہ ہیں۔ کراچی پاکستان کا معاشی حب ہے۔ یہاں جدید عدالتی نظام کا قیام اہمیت کا حامل ہے۔ ملاقات میں چیف جسٹس نے ہر صوبے میں ایڈیشنل ریزیڈنٹ سیکرٹری تعینات کرنے کا عندیہ بھی دیا۔