ہالی ووڈ کے مقبول اداکار اور ’جان وِک‘ اسٹار کیانو ریوز کی نجی زندگی ایک بار پھر سوشل میڈیا صارفین کی توجہ کا مرکز بن گئی، جہاں ان کی شادی نہ کرنے اور بچے نہ ہونے سے متعلق ایک پوسٹ تیزی سے وائرل ہورہی ہے۔
62 سالہ کیانو ریوز نے اب تک شادی نہیں کی جبکہ ان کے کوئی بچے بھی نہیں ہیں۔ تاہم سوشل میڈیا پلیٹ فارم ایکس پر گردش کرنے والی ایک پوسٹ میں اداکار کی جانب سے شادی نہ کرنے کی مبینہ وجہ بیان کی گئی ہے۔وائرل پوسٹ میں کیانو ریوز سے منسوب کرتے ہوئے دعویٰ کیا گیا ہے کہ کروڑوں ڈالر کی دولت رکھنے کے باوجود انہیں اب تک ایسی خاتون نہیں مل سکی جس پر وہ مکمل اعتماد کرسکیں۔پوسٹ میں مزید دعویٰ کیا گیا ہے کہ ماضی کے ایک تعلق کے دوران اداکار کو محسوس ہوا کہ ان کی دولت سے فائدہ اٹھایا گیا، جس کے بعد انہوں نے فی الحال شادی کرنے یا خاندان شروع کرنے سے گریز کیا۔تاہم کیانو ریوز سے منسوب یہ بیانات آزاد اور معتبر ذرائع سے تصدیق شدہ نہیں ہیں، اس لیے انہیں اداکار کا مستند بیان قرار نہیں دیا جاسکتا۔سوشل میڈیا پر کسی معروف شخصیت سے منسوب بیان وائرل ہونے کی صورت میں اس کی اصل اور مستند ذریعے سے تصدیق کرنا ضروری ہے، خصوصاً جب متعلقہ شخصیت یا ان کے نمائندوں کی جانب سے اس کی تصدیق نہ کی گئی ہو۔
