ترکیہ پارلیمنٹ نے مکہ مشترکہ دفاعی معاہدے کی توثیق کردی اتحاد مکمل طور پر دفاعی نوعیت کا ہے:چیئرمین خارجہ امور کمیٹی

600 ارکان پر مشتمل  ترک پارلیمنٹ میں معاہدے کے حق میں 279 ووٹ ڈالے گئے، 119 ارکان نے مخالفت کی:میڈیا رپورٹ
انقرہ(آئی این پی )ترکیہ کی پارلیمنٹ نے  پاکستان، سعودی عرب اور ترکیہ کے درمیان مکہ مشترکہ دفاعی معاہدے کی توثیق کردی۔ترک میڈیا کے مطابق 600 رکنی ترک پارلیمنٹ میں معاہدے کے حق میں 279 ووٹ آئے جبکہ 119 ارکان نے مخالفت کی، مجموعی طور پر 398 ارکان نے ووٹنگ کے عمل میں حصہ لیا۔ترک پارلیمنٹ کی خارجہ امور کمیٹی کے چیئرمین نے کہا کہ یہ اتحاد مکمل طور پر دفاعی نوعیت کا ہے اور اس کا مقصد کسی دوسرے ملک پر حملہ کرنا نہیں۔حکمران جماعت جسٹس اینڈ ڈیولپمنٹ پارٹی کے رکن ضیا آلتونیالدز  نے کہا کہ اس معاہدے کا مقصد خطے میں سکیورٹی تعاون کو فروغ دینا ہے۔