بالی ووڈ کے معروف اداکار اجے دیوگن کی نئی فلم "آزاد" کا ٹریلر حال ہی میں ریلیز کر دیا گیا ہے، جس میں اجے دیوگن مرکزی کردار ادا کر رہے ہیں۔
اس فلم کے ذریعے روینہ ٹنڈن کی بیٹی راشا تھڈانی اور اجے دیوگن کے بھانجے امان دیوگن بالی ووڈ میں اپنے کیریئر کا آغاز کر رہے ہیں۔فلم "آزاد" کی کہانی برصغیر میں انگریزوں کے قبضے اور ہندوؤں کی حالت زار کے گرد گھومتی ہے۔ اجے دیوگن اس فلم میں ایک ڈاکو کا کردار نبھاتے ہیں جو بعد میں ایک باغی بن جاتا ہے۔ فلم کا ٹریلر ایکشن اور تھرل سے بھرپور ہے، جس میں ڈیانا پینٹی بھی اہم کردار میں نظر آ رہی ہیں۔فلم کی کہانی اور کرداروں کی شدت سے دلچسپی پیدا ہوئی ہے اور یہ فلم 17 جنوری کو بھارت اور دنیا کے دیگر ممالک کے سینما گھروں میں ریلیز کی جائے گی۔ "آزاد" میں اجے دیوگن کا روایتی کردار اور اس کی سراہت توقع کی جا رہی ہے، خاص طور پر چونکہ یہ فلم ایک تاریخی پس منظر پر مبنی ہے جو آزادی کی جدوجہد اور سماجی مسائل کو اجاگر کرتی ہے۔
