اسلام آباد یونائیٹڈ نے پی ایس ایل 11 کے لیے کیوی بیٹر ڈیوون کونوے کو ٹیم میں شامل کر لیا.
اسلام آباد یونائیٹڈ نے پاکستان سپر لیگ کے گیارہویں ایڈیشن کے لیے جارح مزاج کیوی بلے باز ڈیوون کونوے کو اپنی ٹیم میں شامل کر لیا ہے۔ ٹیم کے آفیشل ایکس اکاؤنٹ پر جاری پیغام میں کونوے کو خوش آمدید کہا گیا اور ان کی ڈائریکٹ سائننگ کی تصدیق کی گئی۔ڈیوون کونوے ٹی ٹوئنٹی انٹرنیشنل کرکٹ میں چوتھے تیز ترین ایک ہزار رنز بنانے والے کھلاڑی ہیں۔ ذرائع کے مطابق انہیں 6 کروڑ 30 لاکھ روپے میں ٹیم کے ساتھ معاہدہ کیا گیا ہے۔
واضح رہے کہ اسلام آباد یونائیٹڈ نے اس مرتبہ صرف تین کھلاڑی ریٹین کیے ہیں:
شاداب خان کو پلاٹینیئم کیٹیگری میں 7 کروڑ روپے میں ری ٹین کیا گیا۔
سلمان ارشاد کو گولڈ کیٹیگری میں 1 کروڑ 40 لاکھ روپے میں ری ٹین کیا گیا۔
آندریس گوس کو سلور کیٹیگری میں 1 کروڑ 20 لاکھ روپے میں ری ٹین کیا گیا۔
یہ شامل کرنے سے ٹیم کی بلے بازی میں مزید طاقت اور جارحانہ انداز کا اضافہ ہوا ہے، جس سے اسلام آباد یونائیٹڈ کی فتوحات کی توقعات بڑھ گئی ہیں۔
