لاہور کی غالب مارکیٹ میں ایک افسوسناک واقعہ پیش آیا، جہاں 14 سالہ گھریلو ملازم سنی پر تشدد کے باعث جان کی بازی ہار گیا۔
پولیس کے مطابق، سنی مین مارکیٹ کے رہائشی ساجد کے گھر پر ملازم تھا، جہاں اس کے جسم کے مختلف حصوں، خاص طور پر نازک اعضاء پر تشدد کے نشانات پائے گئے۔سنی کے والد ریاض نے بتایا کہ ان کے بیٹے کو چار ماہ قبل 6 ہزار روپے ماہانہ پر ساجد کے گھر پر کام کرنے کے لیے بھیجا گیا تھا۔ والد کے مطابق، سنی کے جسم پر سگریٹ کے داغ، نازک حصے کو کاٹنے کی کوشش اور بدفعلی کے نشانات بھی موجود تھے۔پولیس نے واقعے کا مقدمہ تھانہ غالب مارکیٹ میں درج کیا ہے اور دو ملزمان، ساجد اور جاوید کو گرفتار کر لیا ہے۔ مزید تحقیقات جاری ہیں تاکہ اس دلخراش واقعے کے تمام پہلوؤں کا جائزہ لیا جا سکے۔
