دورہ پاکستان سے قبل سری لنکا کے 2اہم کھلاڑی ٹی ٹوئنٹی سیریز سے باہر

تین ملکی ون ڈے سیریز میں میزبان پاکستان، انگلینڈ اور سری لنکا کی ٹیمیں حصہ لیں گی
کولمبو (سپورٹس ڈیسک)دورہ پاکستان سے قبل سری لنکا کے 2اہم کھلاڑی ٹی ٹوئنٹی سیریز سے باہر ہو گئے۔سری لنکن میڈیا کے مطابق پاتھم نشانکا اور وانندو ہسارانگا انجری کے باعث ٹی ٹوئنٹی سیریز کا حصہ نہیں ہوں گے۔پاتھم نشانکا کو دائیں ٹانگ میں تکلیف کا سامنا ہے جبکہ وانندو ہسارانگا کمر کی تکلیف سے صحت یاب نہیں ہو سکے ہیں۔سری لنکن میڈیا کے مطابق دونوں کھلاڑیوں کی سہ ملکی سیریز کے لیے دستیابی کا امکان ہے۔واضح رہے کہ پاکستان اور سری لنکا کی ٹیمیں 9 سے 13 اکتوبر تک راولپنڈی میں 3 ٹی 20 میچز کھیلیں گی جبکہ 18 سے 31 اکتوبر تک راولپنڈی اور لاہور میں 3 ملکی ون ڈے سیریز کھیلی جائے گی۔تین ملکی ون ڈے سیریز میں میزبان پاکستان، انگلینڈ اور سری لنکا کی ٹیمیں حصہ لیں گی۔