لاہور کے تھانہ ہیئر کی حدود میں ایک تاجر، بلال شفیق، کو گھر کی دہلیز سے اغوا کر لیا گیا۔ پولیس نے سی سی ٹی وی فوٹیج اور دیگر ذرائع کی مدد سے ملزمان کو ٹریس کرنے کا عمل شروع کر دیا ہے۔
تفصیلات کے مطابق:
اغوا کی واردات گزشتہ رات پیش آئی، جہاں نامعلوم ملزمان بلال شفیق کو زبردستی گاڑی میں بٹھا کر لے گئے۔پولیس نے مغوی کی اہلیہ کرینہ بی بی کی مدعیت میں نامعلوم ملزمان کے خلاف مقدمہ درج کر لیا ہے۔واقعے کی اطلاع ملتے ہی پولیس موقع پر پہنچ گئی اور تحقیقات کا آغاز کر دیا۔ایس پی کینٹ اویس شفیق نے ایس ڈی پی او برکی غلام دستگیر خان کو فوری طور پر ملزمان کو ٹریس کرکے مغوی کو بازیاب کروانے کی ہدایت کی۔پولیس کا کہنا ہے کہ جلد از جلد بلال شفیق کو بازیاب کر لیا جائے گا۔سی سی ٹی وی فوٹیج سمیت تمام شواہد کا جائزہ لیا جا رہا ہے تاکہ ملزمان کو گرفتار کیا جا سکے۔
