روزانہ 3 انرجی ڈرنک کین پینے والا نوجوان چلنے پھرنے سے معذور

 آرٹیم کمپیوٹر گیمز کا شوقین،پہلے ایک کین پیتا تھا وقت کے ساتھ تعداد 3 ہوگئی
  پہلے آواز ختم  ،پھر پیر مفلوج، اب میرا بیٹا  کھڑا ہونے سے بھی قاصر ہ:والدہ
ماسکو (آئی این پی )روس سے تعلق رکھنے والا 22 سالہ نوجوان  3 انرجی ڈرنک کین روزانہ پینے کے سبب معذور ہوگیا۔غیر ملکی خبر رساں ادارے کے  مطابق شمالی روس کے خود مختار علاقے یامالو-ننت سے تعلق رکھنے والہ 22 سالہ گیمر آرٹیم رات بھر گیمنگ کیلئے  گزشتہ 8 برسوں سے  انرجی ڈرنکس کا استعمال  کررہا تھا، اس دوران نوجوان  لبلبے کی بیماری شکار ہوگیا اور بلآخر 2024 میں اپنی ٹانگوں سے معذور ہوگیا۔نوجوان کی  والدہ کے مطابق آرٹیم   نوعمری سے کمپیوٹر گیمز کا شوقین تھا، گیمنگ کے دوران آرٹیم پہلے ایک کین پیتا تھا لیکن وقت کے ساتھ ان ڈرنکس  کی تعداد بڑھ کر 3 ہوگئی حتی کہ آرٹیم خالی پیٹ بھی کین پینے لگا تھا۔آرٹیم کی والدہ کا بتانا ہے کہ پہلی مرتبہ آرٹیم کو  16 سال کی عمر میں صحت کے مسائل   سامنے آئے تھے  جو  بڑھ کر لبلبے سمیت جگر اور تلی کے مسائل  میں تبدیل ہوگئے، 2024 میں اچانک اس کی  آواز ختم ہوگئی اور اس کے پیر مفلوج ہوگئے، اب میرا بیٹا  کھڑا ہونے سے بھی قاصر ہے