کشمور: تحصیل ہسپتال کے اندر ٹک ٹاکر کی ڈانس ویڈیو سوشل میڈیا پر وائرل ہو گئی، جس نے شہریوں اور سیاسی و سماجی تنظیموں میں شدید غصہ پیدا کر دیا ہے۔
ویڈیو میں ٹک ٹاکر کو ہسپتال کے اندر ڈانس کرتے ہوئے واضح طور پر دیکھا جا سکتا ہے، اور ذرائع کے مطابق یہ واقعہ ایڈمنسٹریٹر احسان دایو کی ملی بھگت سے عمل میں آیا۔وائرل ہونے کے بعد شہریوں اور مختلف سیاسی و سماجی تنظیموں نے فوری طور پر حکام بالا سے نوٹس لینے اور ایڈمنسٹریٹر احسان دایو و ٹک ٹاکر کے خلاف کارروائی کا مطالبہ کیا۔ انہوں نے کہا کہ بصورت دیگر وہ سخت احتجاج کرنے پر مجبور ہوں گے۔اس واقعے نے نہ صرف ہسپتال کی ساکھ متاثر کی ہے بلکہ سرکاری اداروں میں احتساب کے عمل پر بھی سوالات اٹھا دیے ہیں۔
