آئی جی پنجاب ہائیکورٹ میں پیش

لاہور (آئی این پی)لاہور ہائی کورٹ میں پولیس اہلکاروں کے خلاف توہینِ عدالت کی درخواست پر سماعت ہوئی‘ دوران سماعت چیف جسٹس عالیہ نیلم نے توہینِ عدالت کیس میں ریمارکس دیتے ہوئے کہا یہ ایف آئی آر تو عینک لگا کر بھی نہیں پڑھی جا رہی، کم از کم ایک فونٹ رکھیں۔ چوہنگ پولیس اہلکاروں کے خلاف توہینِ عدالت کی درخواست پر سماعت لاہور ہائی کورٹ میں ہوئی، عدالتی حکم پر آئی جی پنجاب را عبدالکریم عدالت میں پیش ہوئے۔دورانِ سماعت آئی جی پنجاب را عبدالکریم نے کہا فونٹ کے حوالے سے پنجاب آئی ٹی بورڈسے معاونت حاصل کی ہے۔جس پر چیف جسٹس عالیہ نیلم نے ریمارکس دیے کہتے ہیں ہم پیپر بچا رہے ہیں، پیپر بچاتے بچاتے ہماری آنکھیں ضائع ہو گئیں۔لاہور ہائی کورٹ نے آئی جی کو پنجاب میں ایک طرز کے فونٹ کی ایف آئی آر کے اندراج کی ہدایت کرتے ہوئے 29 ستمبر کو عمل درآمد رپورٹ طلب کر لی۔