کارکردگی ہی سے انتخابات میں کامیابی ممکن ہے: مریم نواز شریف

لاہور میں وزیر اعلیٰ پنجاب نے ایک اجلاس سے خطاب کیا اور کہا کہ سیاسی میدان میں صرف کارکردگی سے کامیابی حاصل ہوتی ہے، نہ کہ بیانیہ سے۔

انہوں نے مزید کہا کہ پی ٹی آئی نے قیدی نمبر 804 کے نام پر الیکشن لڑا، مگر پھر بھی شکست کا سامنا کرنا پڑا۔مریم نواز شریف نے یہ بھی بتایا کہ انہوں نے اور میاں نواز شریف نے جیل کاٹی، مگر کبھی الیکشن کا بائیکاٹ نہیں کیا۔انہوں نے الزام عائد کیا کہ آج فیض حمید موجود ہے اور نہ وہ ججز ہیں جو الیکشن جتوانے کا کردار ادا کرتے۔انہوں نے کہا کہ ملک کی ترقی کو 2018 میں نقصان پہنچا، اور یہ سب کچھ سیاسی بیانیے سے نہیں، بلکہ کارکردگی کے ذریعے جیتا جاتا ہے۔

پشاور کے حوالے سے انہوں نے کہا کہ وہاں ترقی کا کوئی نشان نہیں، اور سرکاری مشینری کے ساتھ الیکشن لڑا گیا۔انہوں نے خیبر پختونخوا کا ذکر کرتے ہوئے کہا کہ وہاں کا نظام پتھر کے دور میں چلا گیا ہے، کرپشن کے ڈھیر لگ گئے ہیں۔مریم نواز شریف نے یہ بھی بتایا کہ مسلم لیگ ن نے 2018 میں چھینی گئی اپنی نشستیں واپس لے لی ہیں۔