بلوچستان کے شہر دالبندین اور ملحقہ علاقوں میں زلزلے کے جھٹکے محسوس کیے گئے، جس کے باعث شہریوں میں خوف و ہراس پھیل گیا۔
زلزلہ پیما مرکز کے مطابق زلزلے کی شدت 5.1 ریکارڈ کی گئی۔زلزلہ پیما مرکز کے مطابق زلزلے کا مرکز بلوچستان کے شہر دالبندین سے 15 کلومیٹر مشرق میں تھا، جبکہ اس کی گہرائی 53 کلومیٹر ریکارڈ کی گئی۔زلزلے کے جھٹکے محسوس ہوتے ہی شہریوں میں خوف کی لہر دوڑ گئی۔ بعض افراد خوف کے باعث گھروں اور عمارتوں سے باہر نکل آئے اور محفوظ مقامات کا رخ کیا۔ابتدائی اطلاعات کے مطابق زلزلے کے نتیجے میں کسی قسم کے جانی یا مالی نقصان کی اطلاع موصول نہیں ہوئی۔ تاہم، علاقے میں زلزلے کے جھٹکوں کے باعث شہریوں میں تشویش پائی جاتی ہے۔
زلزلے کے بعد شہریوں کو احتیاطی تدابیر اختیار کرنے کی ہدایت کی جاتی ہے۔ ماہرین کے مطابق زلزلے کے دوران عمارت کے اندر موجود افراد کو مضبوط میز کے نیچے پناہ لینی چاہیے، کھڑکیوں اور بھاری اشیا سے دور رہنا چاہیے اور جھٹکے رکنے کے بعد احتیاط سے کھلی جگہ پر جانا چاہیے۔
