اکائونٹنٹ جنرل، چیئرمین ایف بی آر سے جواب طلب

لاہور (آئی این پی)لاہور ہائیکورٹ میں اکائونٹنٹ جنرل پنجاب کے اربوں روپے کے ٹھیکیداروں کے انکم ٹیکس چالان فرضی این ٹی این سے جمع کرانے کیخلاف درخواست پر سماعت ہوئی، عدالت نے اکائونٹنٹ جنرل پنجاب اور چیئرمین ایف بی آر سے جواب طلب کرلیا۔ عدالت نے ایف بی آر اور اکائونٹنٹ جنرل پنجاب سے ریکارڈ طلب کرلیا، جسٹس عابد عزیز شیخ کی سربراہی میں دو رکنی بنچ نے کنٹریکٹر کی درخواست پر سماعت کی۔درخواست گزار کے وکیل آصف اقبال نے دلائل دیئے، درخواست میں وفاقی حکومت سمیت دیگر کو فریق بنایا گیا ہے۔ موقف کے مطابق درخواست گزار سمیت دیگر ٹھیکیداروں کا انکم ٹیکس اکائونٹنٹ جنرل پنجاب نے کاٹا تھا، اکائونٹنٹ جنرل پنجاب نے ایف بی آر میں فرضی این ٹی این سے انکم ٹیکس جمع کرادیا، قانون کے مطابق ہر ٹھیکیدار کا انکم ٹیکس اس کے نام سے ایف بی آر میں جمع کرایا جانا ضروری ہے۔موقف نے کہا کہ قانون کے برعکس اکانٹنٹ جنرل پنجاب نے فرضی این ٹی این سے ایف بی آر میں انکم ٹیکس جمع کرادیا، اب درخواست گزار سمیت ٹھیکیداروں کو ایف بی آر میں انکم ٹیکس ریٹرنز جمع کرانے میں مشکلات درپیش ہیں۔عدالت ایف بی آر کو ایف بی آر درخواست گزار سمیت دیگر کیخلاف کارروائی سے روکنے کا حکم دے، عدالت ایف بی آر اور اکانٹنٹ جنرل پنجاب کو ریکارڈ کرنے کا حکم دے۔