نارنگ منڈی میں شدید دھند کے باعث دو بسیں ریس لگاتے ہوئے حادثے کا شکار ہوگئیں۔
تیز رفتاری کے سبب ایک بس بے قابو ہوکر الٹ گئی، جب کہ دوسری بس ایک کھمبے سے ٹکرا گئی۔ اس واقعے میں 15 مسافر زخمی ہوگئے جنہیں فوری طور پر طبی امداد کے لیے ہسپتال منتقل کردیا گیا ہے۔حادثے کی تفصیلات کے مطابق، نارنگ منڈی روڈ پر چلنے والی دونوں بسیں ایک دوسرے کے مقابلے میں تیز رفتاری سے ریس لگا رہی تھیں۔ عینی شاہدین کے مطابق، حادثہ اس وقت پیش آیا جب ایک بس بے قابو ہوکر الٹ گئی، اور دوسری بس ایک کھمبے سے ٹکرا گئی۔
زخمی ہونے والے مسافروں کو اپنی مدد آپ کے تحت بس سے نکال کر قریبی ہسپتال منتقل کیا جارہا ہے۔ پولیس اور ریسکیو ادارے بھی جائے وقوعہ پر پہنچ چکے ہیں تاکہ صورتحال کا جائزہ لیا جا سکے اور زخمیوں کو بروقت طبی امداد فراہم کی جا سکے۔ دھند کے باعث راستہ انتہائی دھندلا تھا، جس کی وجہ سے حادثہ پیش آیا۔ انتظامیہ نے شہریوں کو ہدایت کی ہے کہ وہ دھند کے دوران احتیاطی تدابیر اختیار کریں اور سفر کے دوران زیادہ رفتار سے گریز کریں۔
