بھارت سمیت کسی بھی ملک نے روس کیساتھ تجارت جاری رکھی تو پابندیاں لگیں گی: نیٹو

 جان لیں اگر پیوٹن امن مذاکرات کو سنجیدگی سے نہ لے، تو ہم مکمل معاشی پابندیاں لگائیں گے، سیکرٹری جنرل  
برسلز (آئی این پی )نیٹو کے نئے سیکرٹری جنرل مارک روٹے نے کہا ہے کہ اگر بھارت سمیت کسی بھی ملک نے روس کے ساتھ تیل و گیس کی تجارت جاری رکھی تو ان پر ثانوی پابندیاں عائد کی جائیں گی۔مارک روٹے نے امریکی سینیٹرز سے ملاقات کے بعد میڈیا سے گفتگو کرتے ہوئے کہا کہ اگر آپ چین کے صدر، بھارت کے وزیر اعظم یا برازیل کے صدر ہیں، اور آپ روس کے ساتھ تجارت جاری رکھتے ہیں، تو آپ جان لیں اگر پیوٹن امن مذاکرات کو سنجیدگی سے نہ لے، تو ہم مکمل معاشی پابندیاں لگائیں گے۔انہوں نے کہا کہ اگر آپ بیجنگ، دہلی یا برازیلیا میں ہیں، تو بہتر ہوگا کہ آپ اس صورتحال کا ازسرِنو جائزہ لیں، کیوں کہ یہ پابندیاں آپ کی معیشت کو بری طرح متاثر کر سکتی ہیں۔مارک روٹے نے مزید کہا ہے کہ کوئی روسی صدر ولادیمیر پیوٹن کو فون کریں اور انہیں کہیں کہ وہ امن مذاکرات کو سنجیدگی سے لیں ورنہ اس کے نتائج برازیل، بھارت اور چین پر بڑے پیمانے پر واپس آئیں گے۔