بھارتی ریاست اوڈیسہ کے ایس سی بی میڈیکل کالج اور اسپتال کے ٹراما کیئر یونٹ میں پیر کی صبح آگ لگنے کے نتیجے میں 10 مریض ہلاک اور 5 دیگر زخمی ہو گئے۔
بھارتی میڈیا کے مطابق واقعہ آئی سی یو کے 23 مریضوں کے زیر علاج ہونے کے دوران پیش آیا۔ ابتدائی اطلاعات میں آگ لگنے کی وجہ شارٹ سرکٹ بتائی گئی ہے، تاہم حکام نے تحقیقات کا آغاز کر دیا ہے تاکہ آگ لگنے کی اصل وجہ کا تعین کیا جا سکے۔واقعے کے بعد اسپتال کے عملے اور مقامی حکام نے فوری طور پر امدادی کارروائیاں شروع کیں۔ زخمیوں کو دیگر یونٹس میں منتقل کیا گیا اور انہیں طبی امداد فراہم کی جا رہی ہے۔حکام نے بتایا کہ واقعے کی تفصیلی رپورٹ جلد جاری کی جائے گی، اور اسپتال میں حفاظتی اقدامات کا جائزہ لیا جا رہا ہے تاکہ مستقبل میں ایسے حادثات سے بچا جا سکے۔
