سلمان خان نے جدہ میں منعقدہ ریڈی سی فلم فیسٹیول 2025 میں اپنے اداکاری کے حوالے سے خیالات کا اظہار کیا اور کہا کہ وہ خود کو عظیم اداکار نہیں سمجھتے۔
اداکار نے شرکاء سے کہا کہ اداکاری نے بھی ان کی نسل کو چھوڑ دیا ہے، اس لیے انہیں لگتا ہے کہ وہ کوئی بہت بڑے اداکار نہیں ہیں۔سلمان خان نے مزید کہا کہ آپ انہیں کسی بھی کام کرتے ہوئے دیکھ سکتے ہیں، لیکن اداکاری کرتے ہوئے نہیں کیونکہ وہ اس وقت جو محسوس کرتے ہیں وہی اسکرین پر دکھاتے ہیں۔ اس موقع پر فیسٹیول کے شرکاء نے ان کے اس تبصرے سے اتفاق نہیں کیا اور کہا کہ سلمان خان کی اداکاری اتنی شاندار ہے کہ لوگ انہیں دیکھ کر رونے لگتے ہیں۔
اداکار نے اس جواب پر ہنستے ہوئے کہا کہ وہ جانتے ہیں کہ کبھی کبھار لوگ انہیں روتے دیکھ کر ہنستے ہیں، لیکن شرکاء نے کہا کہ ایسا بالکل نہیں ہے، بلکہ ان کی اداکاری انتہائی مؤثر اور جذباتی ہے۔یہ بیان سلمان خان کی عاجزی اور اپنی صلاحیتوں کے بارے میں ان کی منفرد سوچ کو ظاہر کرتا ہے، جو فلم فیسٹیول میں موجود مداحوں کے لیے دلچسپی کا باعث بنا۔
