قومی سلامتی امور میں یکسوئی اور بیانیے پر اتفاق وقت کی ضرورت ہے ڈی جی آئی ایس پی آر

 دشمن کی نفسیاتی جنگ کے مقابلے کیلئے عوامی شعور اور سچائی پر مبنی بیانیہ فیصلہ کن ہتھیار ہے ‘ کشمیر اور غزہ پر اصولی موقف کی توثیق، مظلوموں کی حمایت  پاکستان کی اخلاقی ذمہ داری ہے :   قومی پیغام امن کمیٹی سے ملاقات میں گفتگو
 دہشت گردی کا کوئی جواز نہیں،منبر و محراب سے اتحادِ امت، سماجی ہم آہنگی اور آئینی برابری کے پیغام کو ملک گیر سطح پر پھیلایاجائے گا:    قومی پیغام امن کمیٹی کے ارکان کی جی ایچ کیو میں  یقین دہانی
راولپنڈی(آئی این  پی) ڈی جی آئی ایس پی آر لیفٹیننٹ جنرل احمد شریف چوہدری   نے کہا ہے کہ  قومی سلامتی کے امور میں یکسوئی اور بیانیے پر اتفاقِ رائے وقت کی ضرورت ہے۔  فتنہ الخوارج/ٹی ٹی پی اور ٹی ٹی اے کے تناظر میں داخلی سلامتی پر جامع گفتگو ہوئی اور مشترکہ موقف مزید مضبوط ہوا ہے۔ ڈی جی آئی ایس پی آر سے  جی ایچ کیو میں    قومی پیغام امن کمیٹی (این پی اے سی)  کی  ملاقات ہوئی ہے جس میں قومی بیانیے کے فروغ کیلئے مکمل تعاون کی یقین دہانی کرائی گئی۔این پی اے سی نے پاک افواج سے غیر متزلزل یکجہتی اور ریاست دشمن بیانیوں کے خلاف مشترکہ عزم کا اظہار کیا گیا۔اپنے بیان میں این پی اے سی نے فتنہ الخوارج اور افغان طالبان کی مذمت کرتے ہوئے کہا کہ دہشت گردی کا کوئی جواز نہیں۔ڈی جی آئی ایس پی آر نے کہا کہ قومی سلامتی کے امور میں یکسوئی اور بیانیے پر اتفاقِ رائے وقت کی ضرورت ہے۔  فتنہ الخوارج/ٹی ٹی پی اور ٹی ٹی اے کے تناظر میں داخلی سلامتی پر جامع گفتگو ہوئی اور مشترکہ موقف مزید مضبوط ہوا ہے۔انہوں نے کہا کہ کشمیر اور غزہ پر اصولی موقف کی توثیق، مظلوموں کی حمایت پاکستان کی اخلاقی ذمہ داری ہے۔این پی اے سی کا کہنا تھا کہ منبر و محراب سے اتحادِ امت، سماجی ہم آہنگی اور آئینی برابری کے پیغام کو ملک گیر سطح پر پھیلانے کا اعلان کرتے ہیں ۔ڈی جی آئی ایس پی آر  نے کہا کہ دشمن کی نفسیاتی جنگ کے مقابلے کیلئے عوامی شعور اور سچائی پر مبنی بیانیہ فیصلہ کن ہتھیار ہے۔