عالمی منڈی میں خام تیل کی قیمتوں میں معمولی کمی ریکارڈ کی گئی ہے، گزشتہ کاروباری سیشن میں تقریباً 2 ڈالر اضافے کے بعد تیل کی قیمتیں دوبارہ نیچے آگئیں۔
غیر ملکی میڈیا رپورٹس کے مطابق برینٹ خام تیل کی قیمت 61 سینٹ، یعنی 0.57 فیصد کمی کے بعد 106.04 ڈالر فی بیرل ہوگئی، جبکہ امریکی ویسٹ ٹیکساس انٹرمیڈیٹ (WTI) خام تیل کی قیمت 47 سینٹ، یعنی 0.5 فیصد کمی کے بعد 93.27 ڈالر فی بیرل ریکارڈ کی گئی۔رپورٹس کے مطابق پیر کے روز برینٹ خام تیل کی قیمت 106.65 ڈالر فی بیرل پر بند ہوئی تھی، جو 15 ستمبر کے بعد اس کی بلند ترین اختتامی سطح تھی۔عالمی منڈی میں تیل کی قیمتوں میں اتار چڑھاؤ پر توانائی کی عالمی طلب، رسد کی صورتحال اور جغرافیائی سیاسی عوامل اثرانداز ہوتے ہیں۔ خام تیل کی قیمتوں میں تبدیلی پاکستان سمیت تیل درآمد کرنے والے ممالک کے اخراجات اور مقامی ایندھن کی قیمتوں پر بھی اثر ڈال سکتی ہے۔
