81 سالہ امریکی صدر جوبائیڈن کی ساحل پر لڑکھڑا کر چلنے کی ویڈیو وائرل

ڈیلاویئر(آئی این پی ) امریکی صدر جوبائیڈن کی ساحل سمندر پر لڑکھڑا کر چلنے کی ویڈیو سوشل میڈیا پر وائرل ہے۔81 سالہ امریکی صدر جو بائیڈن کی ایک ویڈیو سامنے آئی ہے جس میں انہیں امریکی ریاست ڈیلاویئر کے ساحل پر چلنے  میں مشکلات کا سامنا ہے۔ ویڈیو میں دیکھا جاسکتا ہے کہ جو بائیڈن اپنی اہلیہ جِل بائیڈن کے ساتھ گاڑی سے اتر کر ساحل کی طرف بڑھتے ہیں مگر اس دوران جو بائیڈن کو ساحل کی ریتیلی زمین پر چلنے میں مشکل کا سامنا کرنا پڑرہا ہے اور وہ بار بار ٹھوکر کہا کر سنبھلتے ہیں۔