سانپوں ،طوطوں کے کاروبار میں ملوث2 ڈیلر گرفتار

ایک اڑدھا بر آمد سانپوں کی سمگلنگ کے حوالے سے مزید تحقیقات جاری ، طوطوں کا ڈیلر بھی پکڑا گیا 
 لاہور(خصوصی رپورٹ )ماڈل ٹا ئون میں وائلڈ لائف سٹاف نے قیمتی سانپوں اور کاٹھے طوطوں کی غیر قانونی خرید و فروخت میں ملوث دو ڈیلرز کو گرفتار کر لیا۔ ڈپٹی ڈائریکٹر وائلڈ لائف لاہور ریجن عاصم کامران کی سربراہی میں ایک کارروائی کے دوران قیمتی سانپوں کے ڈیلر کو گرفتار کیا گیا اور ایک اڑدھا بھی بر آمد کیا گیا۔ سانپوں کی سمگلنگ کے حوالے سے مزید تحقیقات جاری ہیں۔اسی دوران کاٹھے طوطوں کی خرید و فروخت میں ملوث ایک اور ملزم کو بھی رنگے ہاتھوں گرفتار کر لیا گیا۔ دونوں ملزموں کے خلاف قانونی کارروائی کا آغاز کر دیا گیا ہے۔وائلڈ لائف حکام کا کہنا ہے کہ یہ کارروائی جنگلی حیات کے تحفظ کے لیے کی گئی ہے اور غیر قانونی تجارت کو روکنے کے لیے مزید اقدامات کیے جائیں گے۔حکام کا کہنا ہے کہ جنگلی حیات کی غیر قانونی تجارت نہ صرف ماحول کے لیے نقصان دہ ہے بلکہ یہ قانونی طور پر بھی قابل سزا جرم ہے۔ دونوں ملزمان کو عدالت میں پیش کیا جائے گا اور ان کے خلاف سخت قانونی کارروائی کی جائے گی۔