ویب ڈیسک: عالمی منڈی میں خام تیل کے نرخوں میں اضافہ جاری رہا، جس کی بڑی وجہ اوپیک پلس کے رکن ممالک کا توقع سے کم پیداوار بڑھانے کا فیصلہ اور روس پر ممکنہ نئی پابندیوں کے خدشات ہیں۔
منگل کو برینٹ کروڈ آئل کی قیمت 35 سینٹ یا 0.53 فیصد اضافے کے بعد 66.37 ڈالر فی بیرل تک پہنچ گئی، جبکہ امریکی ویسٹ ٹیکساس انٹرمیڈیٹ 32 سینٹ یا 0.51 فیصد بڑھ کر 62.58 ڈالر فی بیرل ہو گیا۔خبرایجنسی کے مطابق، اوپیک پلس کے 8 رکن ممالک نے اعلان کیا کہ اکتوبر سے یومیہ پیداوار میں 137,000 بیرل اضافہ کیا جائے گا۔ یہ اضافہ ستمبر اور اگست کے ماہانہ اضافوں اور ماہرین کی توقعات سے کم ہے، جس کی وجہ سے مارکیٹ میں رسد محدود رہنے کی پیش گوئی کی جا رہی ہے۔
ماہرین کے مطابق اس سال اوپیک پلس کی تیز پیداواری رفتار اور عالمی طلب کے اندازوں سے کم رہنے کے باعث اضافی رسد کم ہے، جس کا اثر قیمتوں پر دباؤ ڈال رہا ہے۔ادھر روس کے سب سے بڑے فضائی حملے میں یوکرین کے دارالحکومت کیف کی ایک سرکاری عمارت کو آگ لگنے کے بعد ماسکو پر مزید پابندیوں کے امکانات بھی خام تیل کی قیمتوں میں اضافے کا سبب بنے ہیں۔
