شمال مغربی ترکیہ کے علاقے دیلوواسی میں ہفتے کی صبح ایک پرفیوم کے گودام میں خوفناک آگ لگ گئی، جس کے نتیجے میں کم از کم 6 افراد ہلاک اور 2 زخمی ہو گئے ہیں۔
آگ نے دیلوواسی کے علاقے میں واقع دو منزلہ عمارت کو مکمل طور پر تباہ کر دیا ہے، جو کہ ایک گودام کے طور پر استعمال کی جا رہی تھی۔ابتدائی اطلاعات کے مطابق، آگ لگنے کی وجوہات ابھی تک واضح نہیں ہو سکیں ہیں، اور حکام واقعے کی تحقیقات کر رہے ہیں۔ مقامی میڈیا کے مطابق، فائر بریگیڈ کے عملے نے فوری کارروائی کرتے ہوئے آگ پر قابو پانے کی کوشش کی، مگر نقصان شدید رہا۔ ہلاک اور زخمی ہونے والوں کو قریبی اسپتال میں منتقل کیا گیا ہے۔
