بھارتی جارحیت، سلامتی کونسل کو آگاہ کردیا گیا:دفترخارجہ

بھارتی فضائیہ نے اپنی حدود میں رہتے ہوئے پاکستانی خودمختاری کی خلاف ورزی کی
 پاکستان اپنی مرضی اور وقت پر حملے کا جواب دینے کا حق رکھتا ہے:ترجمان کا بیان
  اسلا م آباد(آئی این پی )پاکستان نے بھارتی فوج کے بزدلانہ حملے سے متعلق اقوام متحدہ کی سلامتی کونسل کو آگاہ کر دیا،  دفتر خارجہ نے کہا ہے کہ پاکستان عالمی قوانین کے مطابق بھارتی جارحیت کا جواب دینے کا حق رکھتا ہے جس کے لیے وقت اور مقام کا تعین وہ خود کرے گا۔دفتر خارجہ سے منگل و بدھ کی درمیانی   شب  بھارت کے بزدلانہ حملے کے بعد   جاری   بیان  میں کہا  گیا ہے کہ پاکستان کے مستقل مندوب نے سلامتی کونسل کو بھارتی جارحیت سے آگاہ کیا ہے ۔بلا اشتعال اور کھلی جنگی جارحیت کے اقدام میں، بھارتی فضائیہ نے بھارت کی فضائی حدود کے اندر رہتے ہوئے اسٹینڈ آف ہتھیاروں کے ذریعے پاکستان کی خودمختاری کی سنگین خلاف ورزی کی ہے