پاکستان میں غیر قانونی مقیم تارکین وطن کے انخلا کے لیے حکومت کی جاری مہم کے تحت اب تک 89 ہزار غیر قانونی مقیم افراد کے انخلا کی کارروائیاں جاری ہیں۔
انخلا کے دوران لاہور سمیت پورے پنجاب سے 4111 افراد کو متعلقہ اداروں کی مدد سے ملک سے ڈی پورٹ کیا جا چکا ہے۔آئی جی پنجاب ڈاکٹر عثمان انور نے اس مہم کے بارے میں بات کرتے ہوئے بتایا کہ 5950 سے زائد غیر قانونی مقیم غیر ملکیوں کو ہولڈنگ سنٹرز تک پہنچایا گیا ہے، جبکہ 1839 افراد ابھی بھی ہولڈنگ پوائنٹس پر موجود ہیں۔ صوبہ بھر میں لاہور سمیت 46 ہولڈنگ سنٹرز قائم کیے گئے ہیں، جہاں کیپسٹی کے مطابق غیر قانونی تارکین کو شفٹ کیا جا رہا ہے۔اس کے علاوہ، ویزہ ختم ہونے والے افراد اور جعلی شناختی کارڈز بنانے والوں کے خلاف بھی سخت کارروائیاں کی جا رہی ہیں۔
پاکستان میں غیر قانونی طور پر رہ کر شادیاں کرنے والے افراد کو سپیشل کیس کے طور پر لیا جا رہا ہے۔مہم کے دوران غیر قانونی تارکین کو بارڈر تک منتقلی کے دوران انسانی حقوق کا مکمل خیال رکھا جا رہا ہے اور ان تمام افراد کو ہر صورت واپس بھیجا جائے گا۔ اس دوران سکیورٹی ہائی الرٹ پر رکھی گئی ہے تاکہ غیر قانونی مقیم افراد کے انخلا کو ہر ممکن طریقے سے یقینی بنایا جا سکے۔
