سمندری طوفان میں3 دن سے پھنسے مہم جو کو بچا لیا گیا

سڈنی(آئی این پی) آسٹریلوی جنگی جہاز نے لیتھوینیا کے مہم جو آریمس موکس کو بچا لیا، جو بحرالکاہل میں اکیلے کشتی چلاتے ہوئے تین دن تک خطرناک سمندری طوفان میں پھنسے رہے۔44سالہ آریمس موکس امریکی شہر سان ڈیاگو سے آسٹریلیا کے برسبین تک کا طویل سمندری سفر کر رہے تھے، جب وہ طاقتور سائیکلون الفریڈ کی زد میں آ گئے۔طوفانی ہوائوں اور شدید لہروں کی وجہ سے ان کی کشتی بری طرح متاثر ہوئی اور وہ کوئنز لینڈ کے مشرق میں تقریباً 460 میل دور پھنس گئے۔