سینیٹ اجلاس: بائیولوجیکل ہتھیار وںپر پابندی کا بل منظور

اسلام آباد(آئی  این پی )ایوان بالا  میں بائیولوجیکل اور مہلک ہتھیارکنونشن عملدرآمد بل منظور کرلیا گیا۔سینیٹ میں منظور کیے گئے بل کے تحت پاکستان میں بائیولوجیکل ہتھیار پر پابندی عائد ہوگی، کوئی شخص مہلک ہتھیار تیار ، ذخیرہ، ٹرانسپورٹ ، امپورٹ اور ایکسپورٹ نہیں کریگا۔   بل کا  اطلاق ہر پاکستانی اور  ہر اس شخص پرہوگا جوپاکستانی حدود میں جرم یا پاکستان کیخلاف جرم کرے، بل کا اطلاق پاکستانی علاقے میں موجود غیر ملکی پر بھی ہوگا۔بل کے تحت کوئی شخص ایسا مواد یا ٹیکنالوجی حاصل نہیں کریگا جوبائیولوجیکل ہتھیاربنانے میں استعمال ہو، مہلک ہتھیار تیار، ذخیرہ، ٹرانسفرکرنے پر 25 سال قید اور ایک کروڑ روپے جرمانہ ہوگا۔اس کے علاوہ  سینٹرل اتھارٹی پر امن مقاصد کیلئے اس کے استعمال کے حوالے سے اجازت دیگی۔