ہریانہ کے شہر روہتک میں ایک افسوسناک واقعہ پیش آیا ہے جہاں جنونی مظاہرے کے دوران قومی اور بین الاقوامی پیرا پاور لفٹنگ کھلاڑی روہت دھانکر کو ہجوم نے وحشیانہ تشدد کا نشانہ بنایا اور ہلاک کر دیا۔
بھارتی میڈیا کے مطابق یہ واقعہ 28 نومبر کو پیش آیا، جب شادی کی تقریب میں کچھ مہمانوں کے غیر اخلاقی رویے پر اعتراض کیا گیا۔ اس پر تقریباً 15 سے 20 افراد نے دھانکر پر لوہے کی سلاخوں اور ہاکی اسٹکس سے حملہ کیا، جس کے نتیجے میں وہ زخموں کی تاب نہ لاتے ہوئے دم توڑ گئے۔روہت دھانکر کو پہلے بھوانی جنرل اسپتال لے جایا گیا، پھر اسے روہتک کے پانڈت بی ڈی شرما پوسٹ گریجویٹ انسٹی ٹیوٹ آف میڈیکل سائنسز منتقل کیا گیا، جہاں وہ جانبر نہ ہو سکے۔ دھانکر 2 بار جونیئر پیرا نیشنل ریکارڈ ہولڈر اور 7 بار سینیئر پیرا نیشنل چیمپیئن رہ چکے تھے، اور بھارت کی نمائندگی بھی کر چکے تھے۔ پولیس نے اس واقعہ کے مقدمے میں 6 افراد کو حراست میں لیا ہے اور ایک گاڑی بھی قبضے میں لے لی گئی ہے۔ یہ افسوسناک واقعہ نوجوان کھلاڑی کے لیے ایک بڑا دھچکا ہے اور علاقہ میں غم و غصہ کی لہر پھیل گئی ہے۔
