سینیٹ : پارلیمنٹیرنزکو حکومتی افسران و آئینی اداروں کے سربرہان سے کم درجہ ملنے کا معاملہ کمیٹی کے سپرد

اسلام آباد(آن لائن) ایوان بالا نے پارلیمنٹیرنزکو حکومتی افسران اور آئینی اداروں کے سربرہان سے کم درجہ ملنے کے معاملے کو کمیٹی کے سپرد کردیا۔جمعہ کو ایوان بالا میں سینیٹر انوشہ رحمن نے ضمنی سوال کرتے ہوئے کہاکہ پارلیمنٹیرنز جو آئین بناتے ہیں ان سے59افسران کا استحقاق زیادہ ہے ،کس دن کیبنٹ ڈویژن نے تمام پارلیمنٹیرنز کو تقریب میں بلایا ہے،یہ اختیار کس کے پاس ہے کہ پارلیمنٹیرینز کا درجہ 60ویں نمبر پر ہے ۔جس پر وفاقی وزیر پارلیمانی امور ڈاکٹر طارق فضل چودھری  نے کہاکہ یہ معاملہ بہت پرانا ہے اور اس کیلئے ایک کمیٹی بنائی گئی ہے جو دوبارہ غور کر رہی ہے، اس کی سفارشات جلد ہی پیش کردی جائے گی ۔اس موقع پر پریذائیڈنگ آفیسر سینیٹر عرفان الحق صدیقی نے کہاکہ حکومت کے پاس اس کا تسلی بخش جواب نہیں ہے اس معاملے کو متعلقہ کمیٹی کے سپرد کرتا ہوں۔