بھارت کی مشہور اداکارہ نیلم کوٹھاری نے پاکستانی اداکار فواد خان کی تعریف کرتے ہوئے انہیں بے حد پسندیدہ قرار دیا ہے۔
ایک ویڈیو میں، جو سوشل میڈیا پر وائرل ہو رہی ہے، نیلم نے پاکستانی ڈراموں کی تعریف کی اور کہا کہ یہ حقیقت سے قریب ہوتے ہیں، ان کی کہانیاں دلچسپ اور فنکاروں کے ملبوسات اور رہن سہن بھی بہت عمدہ ہوتے ہیں۔نیلم نے مزید کہا کہ وہ پاکستانی اور ترکیہ کے ڈرامے شوق سے دیکھتی ہیں کیونکہ ان میں جذبات کی گہرائی ہوتی ہے اور کہانی کی بُنائی اہمیت رکھتی ہے۔ اس کے علاوہ، فواد خان کے بارے میں اظہار پسندیدگی کرتے ہوئے نیلم نے کہا کہ وہ انہیں بہت حسین اور بے انتہا پسند کرتی ہیں۔
